Musika Mizrahi

Esta ója se esta tresladando de la lingua kastilyana, desde el artikolo Música Mizrají, i por esto puede tener yerros sintaktikos o eskrita sin tresladar. Puedes kontrivuyir kon la Wikipedia akavando la tresladasiyon desde el artikolo orijinal.

La Musika Mizrahi (en ivrit: מוזיקה מזרחית, Muzika Mizrahit) es el jenero Oryental de la musika yisraeli. Kombina elementos i ritmos de la musika araba, musika turkana i musika gréka trayidos a Yisrael por los mizrahim y sefardim. Suele ser kantada en ivrit, mas suele ser kombinada a vezes kon algumas frases en arabo, gréko, turko u otros idiomas de las tyerras a las que los artistas djudios trazan las sus raizes ansestrales má resyentes. El signifikado literal de la palabra Mizrahi en ivrit es "Oryental" o má bien, "del Este".

Las kansiones mizrahim tipikas tienen un instrumento de kuedra dominante, ke suele ser el violin, el oud o el bouzouki. Las kansiones mizrahim típicas suelen ser usualmente de notas altas. Los temas en los ke se bazan las kansiones mizrahim son muncho má simples ke las del pop/rock Israeli, por egzemplo.